Bookreview:Lovestruck

Isang hapon naligaw ako sa isang malaking bookstore sa Cubao. Habang nag-iikot ay nakita ko ang isang munting puting aklat. Nakaaakit ang pabalat ng aklat dahil cute  ang naka-drawing pero higit sa lahat ang mas nakatawag ng aking pansin ay ang pamagat “Lovestruck . Love mo siya, Sure ka ba?”.  Sa pamagat pa lang malalaman mo na kung tungkol saan ang aklat pero kahit alam mo na ang paksa ng libro mahihiwagaan ka at mahihikayat kang buklatin ito.

            Tinatalakay ng aklat ang iba’t ibang masalimuot na aspekto ng buhay pag-ibig ng kabataan. Sa aklat na ito tinalakay ng may-akda ang pakikipag-date, relasyong tinututulan ng mga magulang, virginity, ang pagiging single ,seks, panliligaw at higit sa lahat ang dakilang pagmamahal ng Panginoon. Magaan basahin ang aklat dahil para ka lamang nakikipag-usap sa isang kaibigang nagkukwento at nagbibigay ng payo. Habang nagbabasa ka hindi mo mararamdaman ang takbo ng oras.Gumamit din ang awtor ng mga salitang pinauso ng mga kabataan gaya ng TL (True Love), mag-syota, mag-on, S.O. (Secret On) at marami pang iba.Kaya naman kayang kaya nitong hulihin ang pulso ng kahit sinong teenager. Nagbahagi din ang may-akda ng ilang mga pangyayari sa tunay na buhay gaya na lamang ng karanasan ni Patrick Moberg, Miss Confused, Vins Santiago at maging ang pahapyaw na “love story” ng kanyang kabiyak na si Gigi.

          Sagana din ang aklat sa mga kwenotng hango sa bibliya at mga “quotable quotes” gaya ng mga sumusunod:

         

          “Pero ang tunay na pagmamahal ay hindi kayang patayin ng distansya. Kahit ilang taon pa kayong hindi nagkita,kung talagang tunay ang inyong nararamdaman, gagawin ninyo ang lahat para mapanatili ang pagtingin niyo sa isa’t isa.”

          “Hangga’t walang wedding ring hindi dapat isinusuko ang virginity. Hangga’t di pa kayo ikinakasal marami pang puwedeng mangyari.”

          “Masakit mang tanggapin, madalas sinusukat ang pagkatao ng isang magulang sa kinalabasan ng anak.”

         

“Single is not spelled A-L-O-N-E”

 

          “The big word and the big step is COMMITMENT. It should be the core element of any relationship”

          Pero kung ako ang tatanungin, masasabi kong ang pinaka-highlight ng aklat na ito ay ang pagsalungat niya sa sinabi ni Alfred LordTennyson narito ang kanyang paliwanag.

         

          "Paboritong-paborito ng marami ang quote na ito ni Alfred Lord Tennyson."It is better to have love and lost, than to have not loved at all”. But it is more desirable to have loved and never lost at all. Preserve your heart. Hangga’t walang go signal si Lord , guard your heart."

          Sa pagbabasa din ng aklat na ito ay nadagdagan din ang aking bokabularyo.Ngayon ay alam ko na ang kahulugan ng mga salitang fornication, bestiality at promiscuous. Sa kabuuan ,masasabi kong  napakaganda ng libro bukod pa sa magaan basahin ay marami kang aral at tips na matututunan. Ipinakikita din ng aklat na ito na ang pag-ibig ay isang unibersal na pwersang nadarama ng lahat kaya marapat lamang na paghandaan at huwag laruin ngunit higit sa lahat ipinakita nito kung gaano kadalisay magmahal ang Dakilang Lumikha.

          Maraming salamat dahil mayroong Ronald Molmisa na nakaisip na lumikha ng aklat tungkol sa  buhay pag-ibig ng kabataan. Dapat lamang na mas mabasa pa ito ng mas marami pang kabaataan, sigurado ako matutuwa sila sa pagbabasa nito anuman ang estado ng kanilang buhay pag-ibig.

*Lahat ng mga pangungusap na nakapahilig ay sinipi mula sa aklat ni Ronald Molmisa na "Lovestruck. Love Mo siya? Sure ka ba?"

First Year Memories Part 1

     Maraming nagsasabing  ang "high school life" ay maitututring na isa sa mga masasayang araw sa buhay ng isang estudyante. Tawanan, harutan, tsismisan, utangan, ligawan, galaan, trayduran, walang sawang gala, walang sawang kulitan at asaran at marami pang iba. Pero sabi nga nila lahat ng bagay ay may katapusan pero hindi naman ibig sabihin ay magugunaw na ang mundo kapag pumasok ka na kolehiyo. Marami rin namang mga masasayang pangyayari at karanasan sa kolehiyo. Oo, malayo sa buhay high school pero ang mahalaga naman eh yung kasiyahang naramdaman mo di ba?
     Narito ang ilang mga masasayang, makukulit na pangyayari at karansang hindi mo malilmutan nung unang taon ko sa kolehiyo:

First Sem.

1. First Day
     New York  Concrete jungle where dreams are made of there's nothing you can do .Now you're in New York these streets will make you feel brand new 
      Iyan ang unang kantang narinig ko habang paakyat ako sa lugar na pagdarausan ng Freshemen Orientation. Gaya ng iba may halong kaba, at tuwa ang nararamdaman ko habang paakyat ako. Nang marating ko na yung venue, nawala na din ang  kaba ko. Ok naman ang first day (snabero nga lang ang lolo niyo) nag-enjoy naman ako sa mga activities na ginawa namin at masaya sa pakiramdam na maging freshemen kasi ibig sabihin tumaas na yung level mo :)  

2. First Day of Classes

      Simula ng gumising ng  6:00 para pumasok sa unang klase, hay mahirap talaga malaki ang mga adjustments na kailangan mong gawin .Pwede nga akong bigyan ng "Most Punctual Award" nun kasi naman saktong 7:30 ako dumating sa room at ayun wala pang tao nganga :) Nagulat na lang ako kasi kaklase ko pala yung aking kapitbahay at playmate ko noon na si L *&!^ , Nice One  at saka yung schoolmate ko na si R&*#@ WHAATT????. Go with the flow lang ako nung araw na yun, pero sympre ang highlight ng araw na yun ay nakilala ko sila Jenna, Allan, Ate Grace Isaac, Jemimah,Daisy, Ate Rose,Mai, Abby, Jona at Gab (nabanggit ko ba lahat??).Masaya ang feeling sabay kaming kumakain at pumapasok  para ngang matagal na kaming magkakakilala eh at sympre dito ko din nakilala ang mga prof ko for the 1st sem of my 1st year in college :)       

3. Mga Professor        Sila nga pala ang mga prof ko nung 1st sem         (Hindi nila mga tunay na pangalan)   *Mr. Edwin- prof ko sa English I   *Mr Leon- prof ko sa FunMa na sobrang bait at galing   *Mr. Ferdie- ang mahusay ng prof ko sa Gen Psych na sinabihan akong magshift sa psych dahil matatas lagi ang scores ko sa mga quiz at exam  *Ma'am Julie- prof ko sa Fil na halos hindi ako makahinga sa klase sa sobrang istikto pero ubod naman ng galing *Senyor Aga- prof ko sa History.
*Mr Berlz- prof ko sa NatSci... everything etc and so on (haha piz )
*Bb. Cabz - fashionista at early bird na prof ko sa DevReading
*Ma'am Fajardz- prof ko sa Incomtech .... Okay you can have your lunch na 
*Sensei Velez- instuctor sa Karate hiyaaahhh...


4.Online Exam
      Hindi ko rin malilimutan ang first online exam ko. Click lang ng click  tapos alam mo na agad ang grade mo ang saya, hahaha (yes Hi-tech)

5. NSTP 1
    8;00-11:00 every saturday yan.Ito ang hirap pag college kahit sabado may

pasok :( pero ok na din kasi kahit paano extra pera extra gala na din

6.Dyn-Ed English Lab Experience
     First time ko din na  na-experience na ang English Subjects ay mayroong Laboratory, hahaha Call Center Agent lang ang mga hitsura namin ,pero nung 1st year kanay-kanya ding gawain kapag lab, yung iba nagpapaint yung iba nakikinig ng music at marami pang iba. Sobrang lamig pa .

7.Chibog sa Sm
    Halos ang Sm na ang naging 2nd canteen namin, sabay-sabay kaming kumakain dito minsan kumakain din naman kami sa canteen pero madalas sa Sm (yun oh ang yayaman) KFC, Jolibee,Foodcourt,Savemore ayan halos dyan kami kumakain araw-araw, pero hindi pa rin nakakasawa kumain ng manok :)

8.Karate Blues
   Oha! P.E. ko Karate .Actually hanggang ngayon hindi ko pa rin maisip kung paano ko nalagpasan yung karate na yun. Mahirap, sakit din sa katawan, may mga kaklase nga dn akong nahihimatay tapos grabe yung tagaktak ng pawis ko .Ang masaya dito ay natutuo akong magbilang sa Japanese ich , ni ,san,shi...
                                          

   9. Oral sa Filipino
       -Hindi ko talaga malilimutang itong oral na pagbabalita. Ito ang Balitang Siksik :) na may background music pa ng kanta ni Britney spears na 3 :)

10. Run for the Pasig River 10.10.10
      I'm proud dahil kasali ako sa makasaysayang petsa at pangyayaring ito. Gumising ng 3 para maghanda 6:00 ang simula ng takbuhan kay libre ang MRT :) hindi naman ako tumakbo lakad lang ang ginawa ko. Pero ang masaya ay yung give away na bracelet

11.Karate Tournament
    Eto na bugbugan na to Kiyahhh!!! nakakainis talo ako ang laki kasi nung nakalaban ko, nagkaroon pa ako ng pasa sa binti at sa balikat pero ang hindi ko malilimutan ay iyong last day namin,kung saan nag-message si sensei at nung sabay-sabay kaming nag-bow :(
12.1^st Acquiantance Party 

-          Ito ang unang Acquiantance party ko, wala naman masyadong special pero ito pa din ang first dito ko  nakilala kung sino pa yung ibang mga estudyante sa college namin .Simpleng games at simpleng kainan lang naman pero masaya pa rin kasi… hmm basta akin na lang muna yun hehe

      

First Time

   Sadyang kulang ang ating mga salita upang ilarawan o ipahayag ang ating mga nararamdaman kaya marapat lamang na magpasalamat tayo dahil mayroon tayong katawan na maaring magsilbing instrumento na  sa pagpapahayag.Pasalamatan din natin ang ating kapwa na nakaimbento ng iba't ibang bagay kung saan maari tayong magpahayag ng ating mga saloobin at damdamin.

   Kaya naman napag-isipan kong  lumikha  ng isang blog upang dito ko maibuhos ang aking mga nalalaman, mga opinyon at mga nararamdaman. 

   Maraming Salamat :)