B.A.B.A.Y

“Ang dali kayang magsabi ng babay, B.A.B.A.Y”

Iyan ang sabi sa kanta ni Yeng Consatantino na pinamagatang B.A.B.A.Y.  kantang mayroong kyut na music video at madali kang makakaramdam ng Last Song Syndrome.

(Kung hindi mo pa napakikinggan ang magandang awiting ito narito ang link http://www.youtube.com/watch?v=uV1pPkTTPLU )

Pero madali lang ba talagang magsabi ng babay? Kung tutusin ayaw ng mga taong pag-usapan ang anumang uri ng pamamalaam, halos lahat yata ay iniwasan ito. Ang akala kasi natin ay nag-e-exist ang salitang “Forever” gusto natin panghabambuhay na nating kapiling ang mga mahal natin sa buhay, kapamilya, kamag-anak, kasintahan, kaibigan o kung sino pang ibang malapit sa atin. Kaya laging mayroong iyakan sa graduation, despedida, airport, break-up ,emergency room sa ospital,lamay,libing aksidente.

Isa rin kasi sa pinakamasakit na maramdam ng tao ay ang mawalan. Iyong pakiramdam na parang hindi ka kumpleto, may kulang may nawawala sa iyo. Oo mahirap naman talaga pero daratring ang araw na mauunawaan natin na mayroong magandang dahilan ang pamamaalam. Ang kailangan lang talaga natin ay ang pagtanggap kahit gaano pa kahapdi ang pamamaalam na iyon dahil sa bawat pamamaalam ay mayroon naming darating.

Kapag may yumao may darating na bagong silang, kapag dumaan ang pasko darating naman ang bagong taon kapag lumubog ang araw magsasaboy ng liwanag ang buwan at mga bituin kapag lumipas ang pasukan darating ang summer vacation pagkatapos ng tag-init susunod ang tag-ulan

Sadyang ganyan talaga , things come and go ang mahalaga hulihin natin ang bagay at pagkakatong lumalapit sa tin. Huwag na nating hintayin pang sila ang magpaalam sa atin.