GAD PISAY TEACH TOP 5 MEMORABLE EXPERIENCES

5. Day 1- isa sa mga memorable ang unang araw na pagpunta namin sa Philippine Science High School dahil kami ang unang dumating sa mga delegado,sa araw ding ito ay nakilala ko ang mga makakasama ko sa 5 araw na seminar-training,sa araw na ito rin ay nakilala ko ang mga facilitator,mentor,speaker at sympre ang mga kapwa ko delegado.Ang mga delegado ay nagmula sa iba’t ibang pamantasan at kolehiyo sa NCR at Bulacan.Ang mga kolehiyo at pamatasang pinanggalingan ng mga delegado ay ang mga sumusunod:

Bulacan State University (BSU)

           Central Colleges of the Philippines (CCP)

           City University of Pasay (CUP)

         Pamantasan ng Lungsod ng Pasig (PLP)

         Pamantasan ng Lungsod ng Maynila (PLM)

           Pamantasan ng Lunsod ng Valenzuela (PLV)

           University of Makati (UMAK)

4. Campus Tour- isa rin sa masayang karanasan ko ay ang campus tour dahil ipinasyal kami sa buong eskwelahan upang makita ng kanilang mga kwarto,laboratoryo,tanggapan at mga pasilidad.Namangha ako dahil napakalaki ng kanilang campus at malalaki at mataas ang kanilang mga building,malalawak ang mga hagdan at maraming mga puno’t halamang nakapagpapadagdag ng kagandahan sa paaralan, mayroon din silang dorm,soccer field at day care.

3. Team Buliding- isa rin sa pinakamasaya at highlight ng seminar na ito sapagkat dito ay mas nakilala ko at nakahalubilo ang ibang mga delegado at isa rin ito sa naging daan upang kami ay lalong maging close sa isa’t isa.

2. Graduation Day- memorable din sapagkat ito ang huling araw namin sa PISAY,kami ay labis na natuwa dahil sa dami ng give aways na ibinigay ng libre at ang pinaka the best give away ay ang PISAY t-shirt,ang araw ring ito ay araw ng piktyuran at palitan ng cp number at fb accounts at sympre ang masayang pamamaalam.

1. MICROTEACHING- ito ang pinakamemorable na experience ko sa PISAY teach sapagkat dito talaga nagtagisan ng galing ang iba’t ibang delegado na magturo sa loob lamang ng 5 minuto, naging mahalaga sa akin ang araw na ito sapagkat ako’y nagpanggap bilang isang special child para sa demo ng aking kaibigang SPED teacher,natutuwa naman ako dahil magaling daw akong umarte.

Sa kabuuan masasabi kong isang masayang karansan ang seminar na iyon sapagkat ito ay nagtanim sa akin ng maraming kaalaman,may mga bago akong natutunan na talagang magagamit ko kapag ako’y nagturo na at higit sa lahat masaya ako dahil lumawak ang aking mundo at may mga nakilala akong mga bagong kaibigan.